, नाशिक
राज्य माध्यमिक व उच्च माध्यमिक शिक्षण मंडळामार्फत मार्च-एप्रिल महिन्यात घेण्यात आलेल्या दहावी व बारावीच्या निकालाची (HSC SSC Result 2022) प्रक्रिया अंतिम टप्प्यात आहे. जूनच्या दुसऱ्या आठवड्यात बारावीचा, तर तिसऱ्या आठवड्यात दहावीचा निकाल जाहीर होणार असल्याची माहिती राज्य मंडळातील सूत्रांनी ‘मटा’शी बोलताना दिली.
मंडळाच्या राज्यभरातील नऊही विभागीय कार्यालयांमार्फत परीक्षा झाल्यानंतर लगेचच निकालाचे काम सुरू करण्यात आले होते. हे काम अंतिम टप्प्यात असून, ६ किंवा ७ जूनला बारावीचा निकाल जाहीर होण्याची शक्यता असल्याची माहिती राज्य मंडळातील सूत्रांनी दिली. बारावीच्या निकालाची सर्व प्रक्रिया पूर्ण झाली असून, शालेय शिक्षणमंत्री वर्षा गायकवाड यांच्या आदेशानंतर निकाल जाहीर केला जाणार आहे. त्याचसोबत दहावीच्या निकालाचे कामही अंतिम टप्प्यात असून, बारावीनंतर लगेचच आठवडाभरात म्हणजेच जूनच्या तिसऱ्या आठवड्यात दहावीचा निकाला जाहीर केला जाणार आहे. दि. ४ ते ३० मार्चदरम्यान राज्यभरात ही परीक्षा घेण्यात आली. दहावीच्या परीक्षेसाठी नाशिक विभागातील दोन लाख एक हजार १९९ विद्यार्थ्यांनी नोंदणी केली होती. १५ मार्च ते ४ एप्रिलदरम्यान ही परीक्षा घेण्यात आली होती.
नाशिक विभागाची आघाडी
मंडळाच्या नऊही विभागांपैकी नाशिक विभागाचे निकालाचे काम सर्वप्रथम पूर्ण झाले होते. मे महिन्याच्या सुरुवातीलाच नाशिक विभागाचे काम पूर्ण झाल्याची माहिती विभागीय मंडळामार्फत देण्यात आली. बारावीच्या परीक्षेसाठी नाशिक विभागातील एक लाख ६३ हजार ६७९ विद्यार्थ्यांनी नोंदणी केली होती. करोनामुळे दोन वर्षे परीक्षाच न झाल्यामुळे सूत्र वापरून निकाल जाहीर करण्यात आला होता. विद्यार्थ्यांना दोन वर्षे परीक्षेचा सराव नसल्यामुळे यंदा दहावी, तसेच बारावीची परीक्षा देणाऱ्या विद्यार्थ्यांना वेळ वाढवून देण्याची, तसेच आपापल्या शाळा, कनिष्ठ महाविद्यालयात परीक्षा देण्याची सुविधा उपलब्ध करून देण्यात आली होती.
अकरावीच्या प्रवेशाला गती
दहावीच्या निकालानंतर अकरावीला प्रवेश घेणाची लगबग सुरू होते. हे लक्षात घेत शिक्षण संचालनालयाने अकरावीचे प्रवेश अर्ज भरण्याची ऑनलाइन प्रक्रिया सुरू केली असून, नोंदणीसह अर्जाचा भाग एक भरण्यास सुरुवात झाली आहे. दहावीचा निकाल लागल्यानंतर अर्जाचा भाग दोन भरण्यास सुरुवात होणार असल्याचे शिक्षण संचालनालयामार्फत जाहीर करण्यात आले होते. जूनच्या तिसऱ्या आठवड्यात दहावीचा निकाल जाहीर होणार असल्यामुळे अर्जाचा भाग दोन भरण्याची प्रक्रिया याच आठवड्यात सुरू होणार आहे. त्यामुळे जुलै महिन्यापासून अकरावीच्या प्रवेश फेऱ्यांचे नियोजन जाहीर केले जाऊ शकते.
[ad_2]
Source link
Mumbai Railway Recruitment: मुंबईत रेल्वे पोलीस पदांवर बंपर भरती, परप्रांतीय येऊन हक्क सांगण्यापुर्वी मराठी तरुणांनी मिळवा नोकरी
SBI Jobs 2022: स्टेट बँक ऑफ इंडियामध्ये भरती, सरकारी नोकरी करण्याची संधी
NTPC मध्ये विविध पदांची भरती, पर्यावरण प्रेमींसाठी आवडत्या क्षेत्रात नोकरीची संधी