औरंगाबादमधील अकरावीचे प्रवेश ऑफलाइनच होणार

[ad_1]

म. टा. प्रतिनिधी, औरंगाबाद

औरंगाबाद महापालिका हद्दीत २०२२-२३ शैक्षणिक वर्षात अकरावीचे प्रवेश ऑफलाइनच (FYJC Admission 2022) होणार आहेत. ऑनलाइन अकरावी प्रवेश प्रक्रियेबाबत शिक्षण विभागाने जाहीर केलेल्या पत्रकात औरंगाबादला वगळण्यात आले आहे. शहरात ऑनलाइन प्रवेश प्रक्रिया नको, यासाठी यंदाही संस्थाचालक, शिक्षकांनी आंदोलन केले होते.

अकरावीची प्रवेश प्रक्रिया पुन्हा ऑनलाइन पद्धतीने राबविण्यात येणार अशी चर्चा होती. शिक्षण उपसंचालक कार्यालयाने याबाबत प्रस्ताव संचालक कार्यालयास सादर केला होता. संचालक कार्यालयाकडून आढावा घेण्यातही आला. त्यानुसार पुन्हा ऑनलाइन प्रवेश प्रक्रिया होण्याची चर्चा सुरू झाली. शहरात ऑनलाइन प्रक्रिया नको, प्रक्रियेतील विलंब इतर अडचणींमुळे विद्यार्थी ग्रामीण भागातील कॉलेजांकडे जात असल्याचे सांगण्यात येते. त्यावरून शिक्षक, संस्थाचालकांनी नाराजी व्यक्त केली होती. आमदार सतीश चव्हाण यांनीही शहरातील अकरावीची प्रवेश प्रक्रिया ऑफलाइन पद्धतीनेच राबविण्यात यावी, अशी मागणी केली होती.

हेही वाचा  कॉल घेण्यासाठी मोबाईलची गरज नाही; आता 'स्मार्ट' चष्मा करेल कॉल रिसिव्ह

त्यानंतर अकरावी प्रवेशाबाबत शिक्षण विभागाने काढलेल्या परिपत्रकात औरंगाबादला वगळण्यात आले आहे. मुंबई, पुणे, नाशिक, अमरावती, नागपूर या शहराचा त्यात समावेश आहे. २०१७ पासून औरंगाबादचा समावेश ऑनलाइन प्रवेश प्रक्रियेत करण्यात आला होता. मात्र, मोठ्या प्रमाणात जागा रिक्त राहत होत्या. ऑनलाइन प्रवेश प्रक्रिया विद्यार्थी, पालकांसाठी अत्यंत किचकट व वेळखाऊ असल्याचे सांगत विरोध झाला होता. शिक्षण विभागाच्या निर्णयाचे आमदार चव्हाण यांनी स्वागत केले.

हेही वाचा  TV वर चविष्ट जेवण पाहून भुकेल्या कुत्र्याने स्क्रीन चाटायला सुरुवात केली, पाहा हा आश्चर्यचकित व्हिडिओ

FYJC Online Admission 2022: अकरावी प्रवेशांचे सराव अर्ज आजपासून
Fyjc Admission: अकरावी प्रवेशाचे अर्ज ३० मे पासून
डॉ. बाबासाहेब आंबेडकर मराठवाडा विद्यापीठाची ‘कमवा शिका योजना’ पुन्हा सुरू

[ad_2]

Source link

हेही वाचा  देवेंद्र फडणवीस 10 तास मुंबईच्या बाहेर; तर शिंदे गटात सत्ता स्थापनेसाठी हालचाली सुरू

LEAVE A REPLY

Please enter your comment!
Please enter your name here