देशातील दुसरी सर्वात मोठी सार्वजनिक क्षेत्रातील बँक पंजाब नॅशनल बँकेने (Punjab National Bank) PNB One या अॅपद्वारे तुमचा शॉपिंगचा अनुभव सुलभ केला आहे. तुमचे डेबिट कार्ड कुठे हरवले असेल किंवा गरजेच्या वेळी तुमच्यासोबत नसेल, तर तुम्ही PNB One अॅपद्वारे व्हर्च्युअल डेबिट कार्ड तयार करू शकता. व्हर्च्युअल डेबिट कार्ड तयार करणे अतिशय सोपं आहे. यासाठी सर्वप्रथम तुमच्या मोबाईलमध्ये PNB One अॅप असणे आवश्यक आहे, त्यानंतरच पुढील प्रक्रिया सुरू होईल.
डिजिटल डेबिट कार्ड कसे तयार करावे?
• सर्वप्रथम PNB One अॅपवर लॉग इन करा.
• त्यानंतर होम स्क्रीनवर डेबिट कार्ड निवडा.
• यानंतर तुम्हाला व्हर्च्युअल डेबिट कार्ड स्क्रीनवर नेले जाईल जिथे तुम्हाला ‘Request Virtual Card’ हा पर्याय निवडावा लागेल.
• यानंतर, नवीन स्क्रीनवर, तुमचा खाते क्रमांक आणि डेबिट कार्ड प्रकार निवडा.
• ते प्री कन्फर्मेशन स्क्रीनवर सबमिट करा.
• यानंतर, व्हर्च्युअल कार्ड अॅक्टिव्ह करा स्क्रीनवर तुमची संमती द्या आणि ट्रान्झॅक्शन पासवर्ड टाकून व्हर्च्युअल डेबिट कार्ड अॅक्टिव्ह करा.
• तुमचे व्हर्च्युअल डेबिट कार्ड तयार आहे जे तुम्ही ऑनलाइन खरेदीसाठी वापरू शकता.
PNB One चे इतर फायदे
या अॅपद्वारे तुम्ही मोबाईल, वीज, लँडलाइनसह अनेक प्रकारची बिले भरू शकता. येथे तुम्ही चेकची पॉझिटिव्ह पे सिस्टमसह पडताळणी करू शकता. याशिवाय पीएनबी वनद्वारे ऑनलाइन डिमॅट खाते उघडणे, इतर कोणत्याही खात्यात पैसे ट्रान्सफर करणे, सुकन्या समृद्धी योजनेसारख्या सरकारी योजनांमध्ये पैसे टाकण्याची सुविधाही उपलब्ध आहे.
